தோனியை 12.5 கோடி ரூபாய்க்கு ஏலம் எடுத்தது புனே அணி!

 

ஐபிஎல் சென்னை சூப்பர் கிங்ஸ் அணியின் கேப்டனாக இருந்த மகேந்திர சிங் தோனியை புனே அணி 12.5 கோடி ரூபாய்க்கு ஏலம் எடுத்துள்ளது. 

6வது ஐபிஎல் போட்டிகளில் நடைப்பெற்ற சூதாட்ட முறைகேடு காரணமாக இரண்டு ஆண்டுகளுக்கு சூப்பர் கிங்ஸ் அணி மற்றும் ராஜஸ்தான் ராயல்ஸ் அணி என இரண்டு அணிகளும் ஐபிஎல் கிரிக்கெட்போட்டிகளில் விளையாடத் தடை வித்தித்துள்ளது நீதிமன்றம். இந்நிலையில் புனே, ராஜ்கோட் என்கிற இரண்டு அணிகளை புதிதாகச் சேர்த்துள்ளது கிரிக்கெட் வாரியம்.

இந்நிலையில் இன்று சென்னை சூப்பர் கிங்ஸ் அணி, மற்றும் ராஜஸ்தான ராயல்ஸ் அணிகளின் வீரர்களை ஏலம் எடுக்க இரண்டு அணிகளும் கூடின. ஏலம் எடுக்க புனே அணிக்கு முன்னுரிமை அளிக்கப்பட்டது. புனே அணி ஒரு நாள் கிரிக்கெட் மற்றும் 20ஓவர் கிரிக்கெட் போட்டிகளின் கேப்டனான மகேந்திர சிங் தோனியை 12.5 கோடி ரூபாய்க்கு ஏலம் எடுத்துள்ளது மற்றொரு நட்சத்திர ஆட்டக்காரரான சுரேஷ் ரெய்னாவை ராஜ்கோட் அணி 12.5 கோடி ரூபாய்க்கு ஏலம் எடுத்துள்ளது. இது போன்று மற்ற வீரர்களையும் அணிகள் போட்டிப் போட்டுக்கொண்டு ஏலம் எடுத்து வருகின்றன