குப்பையை அகற்றும் பணியில் விஜயகாந்த்:

ஆளுங்கட்சியினருக்கு மட்டுமே நிவாரணம் வழங்கப்படுதாக புகார் மழை வெள்ளத்தால் பாதிக்கப்பட்டவர்களுக்கு தமிழக அரசு அளிக்கும் நிவாரண நிதி அனைவருக்கும் கிடைப்பதில்லை என தேமுதிக தலைவர் விஜயகாந்த் குற்றம்சாட்டியுள்ளார். ஆளும் கட்சியை சேர்ந்தவர்களுக்கு மட்டுமே நிவாரணம் கிடைப்பதாக அவர் கூறியுள்ளார். மேற்கு மாம்பலம் பகுதியில் குப்பைகளை அப்புறப்படுத்தும் பணியில் ஈடுபட்ட பிறகு செய்தியிளர்களிடம் பேசுகையில் அவர் இதனை தெரிவித்தார். மழையால் தேங்கியுள்ள குப்பைகளை அகற்ற அரசு நிர்வாகம் முறையாக நடவடிக்கை எடுக்காததால், தேமுதிகவினர் துப்புரவுப் பணியில் ஈடுபட்டுள்ளதாக விஜயகாந்த் கூறினார். நீர் நிலைகள் முறையாக தூர்வாரப்படாததே வெள்ள சேதத்திற்குக் காரணம் என்றும் நிவாரணம் வழங்குவதில் மத்திய, மாநில அரசுகள் இடையே ஒற்றுமை இல்லை என்றும் அவர் குற்றம்சாட்டியுள்ளார்.