இசையும் அதற்கேற்ற வீடியோவும்! : தமிழ் சினிமாவின் இரு புதிய உதாரணங்கள்!

திரைப்படம் வெளிவரும் முன்னரே யூடியூப் இல் ட்ரெய்லர், மற்றும் வீடியோ பாடல்களை வெளியிடுவதும் அவற்றைப் பிரபல்யப்படுத்த நினைப்பதும் கடந்த ஓரிரு வருடத்தில் அதிகம் விரும்பப்படும் விளம்பர உக்தி. அப்படி வெளிவரும் பெரும்பாலான தமிழக சினிமா பாடல்கள், காதல், கானா பாடல்களாக இருக்கும், அல்லது பாடல்களுக்காக போடப்பட்ட பிரமாண்ட செட்டுக்களை காண்பிப்பதற்கும், அல்லது தாம் காட்சிகள் அமைக்கும் விதம், திரைக்காட்சிகள் மீது பூசப்படும் தங்களது வண்ணப் பூச்சுக்களை காண்பிப்பதாக இருக்கும்.

ஆனால் இவற்றிலிருந்து மாறுபட்டு, யதார்த்தக் காட்சிகளையும், திரையில் அதிகம் நாம் பார்த்திராத நபர்களையும் கையில் எடுத்து பாடலுக்கு ஏற்ற வகையில் மிக கச்சிதமாக பொருத்தி அண்மையில் வெளியிடப்பட்ட இரு பாடல்கள் இவை.  இவ்விரு பாடல்களின் காட்சி அமைப்பை பார்க்கத் தொடங்னீர்கள் எனில் இலகுவில் காட்சிகளை ஓடவிட்டு பாட்டை பார்த்து முடிக்க அவசரப் படமாட்டீர்கள்.